Policia e Tiranës ka finalizuar operacionin policor “Heliks”, duke arrestuar dy anëtarë të një grupi kriminal të dyshuar për shitjen e armëve të zjarrit. Gjatë operacionit, janë vënë në pranga shtetasit F. K., 18 vjeç, dhe E. K., 49 vjeç, banues në Tiranë. Po ashtu, janë shpallur në kërkim shtetasit F. A., 28 vjeç dhe E. Z., 28 vjeç.

Ky operacion erdhi si rezultat i veprimeve hetimore të kryera me metoda proaktive, në kuadër të një procedimi penal për goditjen e veprimtarisë kriminale të shitjes së armëve të zjarrit. Hetimet e deritanishme dyshojnë se grupi ka shitur armë në disa zona të Tiranës, Thumanës dhe Fushë-Krujës.

Policia e Tiranës, në bashkëpunim me Forcën Operacionale të DVP Tiranë dhe nën drejtimin e Prokurorisë, ka organizuar dhe realizuar këtë operacion për të dokumentuar plot