Një shpërthim i vogël ka tronditur qytetin e Orikumit në orët e para të mëngjesit të sotëm. Sipas informacioneve paraprake nga policia, rreth orës 03:15, në një ngushticë pas një pallati, ka shpërthyer një sasi e vogël lënde e dyshuar plasëse.

Si pasojë e shpërthimit, janë dëmtuar dy xhama të një apartamenti në katin e parë të pallatit. Fatmirësisht, nuk raportohet për të lënduar.

Grupi hetimor ndodhet në vendngjarje dhe po vijon punën për të zbardhur rrethanat e ngjarjes, si dhe për të identifikuar autorin ose autorët e mundshëm të kësaj ngjarjeje.

Autoritetet po hetojnë pistat e mundshme që mund të kenë çuar në këtë incident, ndërsa banorët e zonës janë të alarmuar nga ky akt i dyshimtë.