Të gjitha nënat e reja e dinë se periudha e paslindjes është plot me ndryshime, jo vetëm për fëmijën që kalon një zhvillim të shpejtë psiko-fizik, por edhe për aspektet e tjera të jashtme. Një ndër ato ndryshime është edhe ngjyra e syve të bebeve të porsalindura, një proces që ndodh natyrshëm dhe që nuk ka asnjë arsye për t’u shqetësuar.

Në momentin e lindjes, shumë beba kanë sytë në ngjyrë blu-gri, një nuancë që vjen si pasojë e mungesës së plotë të melanociteve – qelizat që prodhojnë melaninën, pigmentin përgjegjës për ngjyrën e syve. Pas lindjes, këto qeliza fillojnë të prodhojnë më shumë melaninë, duke ndikuar në ndryshimin e ngjyrës së syve.

Ky ndryshim i ngjyrës ndodh kryesisht gjatë muajve të parë të jetës dhe mund të vazhdojë deri në moshën 3 vjeçare. Nëse syri bëhet më i errët, kjo do të thotë që bebi po prodhon më shumë melaninë, ndërsa nëse mbetet i lehtë, do të thotë se prodhimi i melaninës është më i vogël. Ekspozimi në dritë gjithashtu mund të stimulojë prodhimin e më shumë melaninës, duke ndikuar në tonalitetin përfundimtar të ngjyrës.

Kjo është një pjesë e natyrshme e rritjes së bebit tuaj dhe një shenjë e zhvillimit të tij. Nuk ka vend për frikë, pasi ky proces është thjesht një pjesë e evolucionit të trupit të tij.