Kryebashkiaku i Tiranës, Erion Veliaj, ka firmosur një vendim për të shkarkuar nga detyra Anuela Ristanin si kryetare e komanduar e Bashkisë Tiranë dhe ka deleguar detyrat përkohësisht te Sara Goxhaj, nënkryetare e Bashkisë.

Në dokumentin e firmosur nga Veliaj, përcaktohet se Goxhaj do të ushtrojë përkohësisht detyrat e kryetarit të bashkisë, duke filluar nga data 19 mars 2025, deri në një urdhër të dytë. Ky vendim vjen pas shfuqizimit të urdhrit nr. 366, datë 14 shkurt 2025, që kishte deleguar përkohësisht detyrat e kryetarit te Ristani.

Urdhri i firmosur nga kryebashkiaku Veliaj është bërë publik dhe ka hyrë në fuqi menjëherë. Ky urdhër është shpallur dhe do të publikohet në stendën e afishimeve publike të Bashkisë Tiranë.