Një 37-vjeçar shqiptar është arrestuar nga policia greke, pasi akuzohet për grabitje dhe kërcënim. Sipas mediave vendase, shqiptari ka kërcënuar recepsionisten e një hoteli me një pistoletë lodër dhe ka grabitur xhiron ditore të hotelit.

Pasi është identifikuar nga kamerat e sigurisë, ai është vënë në pranga dhe është shoqëruar për hetime të mëtejshme. Hetimet kanë zbuluar se ai është autor i disa vjedhjeve në zona të ndryshme të Athinës, përfshirë Glyfada, Elliniko, Agios Dimitrios dhe Exarcheia.

Gjatë kontrollit, policia ka sekuestruar një pistoletë plastike, një kartë identiteti false, një patentë shoferi fals, një sasi të vogël kanabis të papërpunuar, si dhe një shumë prej 405 euro. Po ashtu, ndaj tij janë lëshuar dy urdhër-arreste dhe një urdhër për grabitje dhe armëmbajtje pa leje.