Kryeministri i Kosovës, Albin Kurti, ka rënë pre e një mashtrimi nga komedianët rusë “Vovan & Lexus”, të cilët i janë paraqitur si presidenti i Letonisë. Dyshja ka publikuar një video në kanalin e tyre në YouTube, ku kanë bërë një bisedë me Kurtin, duke e mashtruar si të ishte presidenti letonez.
Në bisedë, Kurti shprehet për një luftë hibride që sipas tij është organizuar nga Serbia dhe Rusia, dhe ai ka bërë akuza edhe ndaj opozitës për situatën e krijuar. Po ashtu, ai ka folur edhe për ish-emisarin special të ShBA-së për Ballkanin Perëndimor, Richard Grenell, duke thënë se ai ishte një “instrument” në rrëzimin e qeverisë së tij të parë, duke përmendur gjithashtu çmimin që Grenell mori në Beograd si diplomat.
Kurti ka bërë edhe një deklaratë kontroverse për orientimin seksual të Grenellit, duke thënë se ai është gej, pasi siç thotë ai, presidenti Trump e ka vënë atë përballë LGTBQ dhe kjo është një “punë e re” për të me Institutin Kenedi. Gjatë bisedës me komedianët, të cilët pretendojnë se janë presidenti i Letonisë, ata i thonë Kurtit: “A e dini se edhe unë jam gej?”, duke e vënë atë në siklet. Kurti përgjigjet duke thënë: “Jo, nuk e dija.”
Kjo video e publikuar ka shkaktuar shumë reagime dhe tregon se si komedianët rusë e kanë përdorur pozitën e Kryeministrit të Kosovës për t’u tallur dhe për të krijuar një situatë të çuditshme dhe komike.
