Një bisedë mes konkurrentëve Alba Pollozhani dhe Lim Hoti në reality show-n “Ferma VIP” ka kaluar kufijtë e një dialogu të zakonshëm televiziv, duke ngjallur reagime për përmbajtjen me nuanca +18.

Dy banorët kanë shkëmbyer batuta me nënkuptime seksuale, ndërsa Limi e ka ngacmuar Albën për jetën e saj intime, duke i thënë:
“A je e gatshme të përballosh nxehtësinë e këtij meteori?”
Alba ia ka kthyer: “Avash se ngelesh sakat.”

Biseda është tensionuar më tej kur Limi i është referuar eksperiencave të Albës:
“Unë e di që ti ke eksperiencë, madje e di edhe numrin, edhe brenda natës.”
Ndërsa Alba e ka kundërshtuar menjëherë:
“Çfarë je duke folur ore ti?” – duke u përpjekur ta relativizojë situatën.

Limi më pas shton: “Unë i ndërroj në darkë dhe në mëngjes,” duke pretenduar se ishte thjesht një shaka, por komenti është parë nga ndjekësit si provokues dhe jashtë etikës që pritet në një emision me audiencë të gjerë.

Dialogu mes dy banorëve ka shkaktuar reagime të shumta në rrjete sociale, me ndjekës që ndahen mes kritikave për përmbajtjen e papërshtatshme dhe atyrë që e shohin si pjesë të dinamikave të zakonshme në reality show.