Koalicioni Euroatlantik, nën drejtimin e Lulzim Bashës, ka depozituar një kallëzim në SPAK (Prokurorinë e Posaçme) kundër Arian Ndojës, kandidatit për deputet të Sali Berishës në qarkun e Durrësit.
Në kallëzimin e paraqitur, Koalicioni Euroatlantik kërkon nisjen e hetimeve ndaj Ndojës për veprat penale të “Korrupsionit aktiv në zgjedhje” dhe “Kanosjes apo dhunimit ndaj pjesëmarrësve në zgjedhje”.
Sipas koalicionit, Arian Ndoja dyshohet për ushtrimin e presionit ndaj qytetarëve për të mos votuar për subjekte të tjera politike, duke përmendur gjithashtu se ai ka pohuar lidhje me individë të botës së krimit, me qëllim intimidimin e zgjedhësve dhe ndikimin në votë.
Në kallëzim theksohet se zgjedhjet e 11 majit duhet të zhvillohen në mënyrë të lirë dhe të ndershme, larg çdo ndikimi nga grupe të strukturuara kriminale dhe forma të blerjes së votës.
