Autoritetet zvicerane kanë ndërhyrë në një operacion të madh për shkatërrimin e një rrjeti kriminal të trafikut të drogës, duke arrestuar dy shtetas shqiptarë. Sipas mediave të huaja, dy të arrestuarit, një 28-vjeçar dhe një 30-vjeçar, u kapën me 30 kilogramë kokainë të fshehur në automjetin me të cilin po udhëtonin në zonën e Ticinos.

Operacioni u realizua nga Zyrën Federale për Doganat dhe Sigurinë Kufitare (UDSC), e cila ndaloi dy shqiptarët dhe gjeti ngarkesën e kokainës. Hetimi i koordinuar nga prokurori publik i Ticinos, Luca Losa, synon të zbulojë origjinën dhe rrugëtimin e drogës.

Sipas hetimeve fillestare, droga nuk ishte e destinuar për tregun zviceran, por për disa shtete të tjera të Europës. Të arrestuarit u morën në pyetje dhe akuzohen për shkelje të rëndë të Ligjit Federal për Narkotikët. Hetimet për këtë çështje janë ende në vazhdim.