Një ngjarje e pazakontë ka ndodhur mbrëmjen e së enjtes në kryeqytet, ku një automjet taksi është përfshirë nga flakët teksa po lëvizte pranë Pallatit të Brigadave.

Sipas informacioneve paraprake, shoferi ka arritur të dalë nga mjeti në kohë, duke shmangur një tragjedi të mundshme. Në vendngjarje kanë mbërritur menjëherë forcat e policisë dhe zjarrfikëses, të cilat kanë bërë të mundur neutralizimin e zjarrit.

Fatmirësisht nuk raportohet për persona të lënduar, ndërsa grupi hetimor po punon për të zbardhur shkaqet e zjarrit, që deri më tani dyshohet se ka ardhur si pasojë e një defekti teknik në automjet.