Presidenti libanez, Joseph Aoun, ka kërkuar nga Shtetet e Bashkuara dhe Franca, si garantues të armëpushimit mes Izraelit dhe Hezbollahut, që të ushtrojnë presion mbi Izraelin për të ndaluar menjëherë sulmet ajrore pas një goditjeje izraelite në sektorin jugor të Bejrutit.

Në një deklaratë të tij, Aoun dënoi sulmin e Izraelit dhe theksoi se SHBA dhe Franca duhet të mbajnë përgjegjësinë dhe të sigurojnë që Izraeli të ndalojë agresionin. Ai paralajmëroi se veprimet e Izraelit për të minuar stabilitetin mund të përshkallëzojnë tensionet dhe rrezikojnë sigurinë dhe stabilitetin e rajonit.

Sulmi izraelit ka goditur një depo të Hezbollahut në Bejrut, ku besohej se mbaheshin raketa precize që përbënin kërcënim për sigurinë e Izraelit. Ushtria izraelite realizoi goditjen pas një urdhri nga kryeministri Benjamin Netanyahu dhe ministri i Mbrojtjes, Yoav Katz. Një shpërthim i fuqishëm goditi ndërtesën, duke ndodhur menjëherë pas njoftimit për evakuimin e banorëve nga zona.