Policia ka proceduar penalisht dy persona të përfshirë në një sherr që ndodhi më 25 prill 2025, në një residencë në Lundër. Sipas njoftimit të policisë, D. D., 37 vjeç, dhe A. L., 38 vjeç, u proceduan për veprat penale “Plagosje e lehtë me dashje” dhe “Kanosje”, pasi dyshohet se janë përfshirë në konfliktin që ndodhi në rezidencën “Long Hill” në Farkë.

Ngjarja ka ndodhur mbrëmjen e së premtes, kur 19-vjeçari Kristi Fufi, djali i ish-deputetit demokrat Mëhlli Fufi, është dhunuar me sende të forta nga D.D dhe A.L. Sherri ka shpërthyer pas një konflikti verbal, që ka nisur kur Kristi Fufi kishte liruar gomat pranë vendit ku po qëndronin Kliton Sulçe dhe dy djemtë e tjerë. Pas sherrit verbal, grupi i djemve ka shkuar në lokalin ku po qëndronte Kristi dhe më pas e kanë dhunuar.

Tashmë, hetimi është në vazhdim, ndërkohë që dy të dyshuarit janë proceduar penalisht për veprat e kryera. Dy të tjerët, Kliton Sulçe dhe një person tjetër, po hetohen në gjendje të lirë.p