Dega e Partisë Demokratike në Cërrik ka bërë një denoncim publik për një vjedhje të ndodhur në ambientet e zyrës së saj. Sipas përfaqësuesve të PD-së lokale, janë marrë disa pajisje elektronike, përfshirë kompjuterë dhe një televizor.
Burime nga vendngjarja bëjnë me dije se nuk janë konstatuar shenja të thyerjes ose dëmtime fizike të ambienteve, çka e bën edhe më të pazakontë rrethanën e hyrjes në zyrë.
Policia ka nisur hetimet dhe po kryen verifikimet për të zbardhur ngjarjen e pretenduar, si dhe për të identifikuar autorët e mundshëm.
