Sot në Bruksel zhvillohet Konferenca e pestë Ndërqeveritare për anëtarësimin e Shqipërisë në Bashkimin Evropian, një hap tjetër i rëndësishëm në procesin e negociatave.
📌 Fokusi i kësaj konference:
Hapja e negociatave për Grup-kapitullin 3 – “Konkurrueshmëria dhe rritja gjithëpërfshirëse”, që përfshin:
• Kapitulli 10 – Transformimi digjital dhe media
• Kapitulli 16 – Taksat
• Kapitulli 17 – Politika ekonomike dhe monetare
• Kapitulli 19 – Politika sociale dhe punësimi
• Kapitulli 20 – Politika për ndërmarrjet dhe industrinë
• Kapitulli 25 – Shkenca dhe kërkimi
• Kapitulli 26 – Arsimi dhe kultura
• Kapitulli 29 – Bashkimi doganor
🗓️ Rrugëtimi i Shqipërisë drejt BE-së deri më sot:
• 24 mars 2020 – Jepet miratimi politik për hapjen e negociatave
• 19 korrik 2022 – Konferenca e parë Ndërqeveritare
• 15 tetor 2024 – Hapja e negociatave për Grup-kapitullin 1 – Themelorët
• 17 dhjetor 2024 – Hapja e negociatave për Grup-kapitullin 6 – Marrëdhëniet e jashtme
• 14 prill 2025 – Hapja e negociatave për Grup-kapitullin 2 – Tregu i brendshëm
🔍 Kjo konferencë konfirmon përkushtimin e Shqipërisë për të avancuar në procesin e integrimit evropian, si dhe gatishmërinë për të përmbushur standardet në fusha kyçe për zhvillimin ekonomik dhe social.
