Një tërmet i fuqishëm me magnitudë 6.1 goditi mëngjesin e kësaj të enjteje verilindjen e ishullit grek të Kretës, në orën 6:19 sipas kohës lokale, njofton Qendra e Kërkimeve për Gjeoshkencat.

Pas këtij tërmeti, lëkundjet pasuese kanë vazhduar gjatë gjithë ditës, por fatmirësisht nuk janë raportuar dëme të mëdha apo persona të lënduar.

Si masë paraprake, zonat turistike të njohura si Gryka e Samarisë dhe Imbros do të mbeten të mbyllura për vizitorët gjatë gjithë ditës së enjte.

Sizmiologu grek Gerasimos Papadopoulos u shpreh në rrjetet sociale se priten disa lëkundje të tjera pasuese gjatë ditës, të cilat janë të padëmshme dhe nuk përbëjnë rrezik për banorët dhe turistët.