Ish-kryeministri britanik Boris Johnson është bërë sërish baba. Bashkëshortja e tij, Carrie Johnson, ka sjellë në jetë fëmijën e tyre të katërt, një vajzë me emrin Poppy Eliza Josephine Johnson, më datë 21 maj.

Lajmi u bë i ditur përmes një postimi në rrjetet sociale, ku Carrie ndau foto të vogëlushes dhe emocionet e saj pas lindjes.

“Nuk mund ta besoj sa e bukur dhe e vogël je. Ndihem kaq me fat. Jemi të gjithë plotësisht të çmendur. Nuk jam e sigurt nëse kam fjetur ndonjë minutë që kur ke lindur, pasi nuk mund të ndalem së shikuari sa e mrekullueshme je”, shkroi ajo në Instagram.

Çifti Johnson janë tashmë prindër të katër fëmijëve, ndërsa ky lajm vjen në një periudhë të qetë për Boris Johnson, pas tërheqjes nga skena politike.