Autoritetet greke kanë zbardhur ngjarjen e rëndë që ndodhi më 19 shkurt 2025 në ishullin Zakynthos, ku humbi jetën noterja Mariza Terveti Papadatou.

Pas hetimeve intensive, policia arrestoi tre shtetas shqiptarë të dyshuar për këtë krim të rëndë: Bedri Saraseli (46 vjeç), djali i tij Veis Saraseli (21 vjeç) dhe Spiro Harshiu (50 vjeç), të tre me origjinë nga Kuçova.

Hetimet treguan se Veis Saraseli pranoi se goditi noterën me një mjet të mprehtë në kofshën e majtë, duke shkaktuar dëmtim fatal të një arterie dhe vdekjen e menjëhershme të saj. Ngjarja ndodhi në mbrëmje, ndërsa viktima ishte vetëm në banesë. Autorët, të maskuar dhe me doreza, kishin hyrë me qëllim grabitjen, por pas një përplasjeje me noterën, ndodhi vrasja.

Trupi i pajetë i Marizës u gjet mëngjesin e ditës së pasme nga djali i saj, pranë makinës personale.

Tre shqiptarët dyshohen gjithashtu për grabitje të tjera në ishull dhe janë nën hetim për vrasje me paramendim dhe grabitje të armatosur. Ata pritet të përballen me drejtësinë në Prokurorinë Publike.