Durrës – Policia e Durrësit ka finalizuar me sukses operacionin antidrogë të koduar “Porcione”, duke goditur një rrjet të shpërndarjes së lëndëve narkotike në doza të vogla në qytet.

Në kuadër të këtij operacioni, Seksioni për Hetimin e Narkotikëve, në bashkëpunim me forcën e posaçme “Shqiponja”, arrestoi në flagrancë 22-vjeçarin Leonard Limani, banues në Durrës.

Gjatë kontrollit të automjetit të tij, policia gjeti dhe sekuestruar dhjetëra doza me kokainë, të fshehura në një ndarje të modifikuar të makinës, të gatshme për shpërndarje në tregun e drogës.

Materialet i janë referuar Prokurorisë pranë Gjykatës së Shkallës së Parë në Durrës, për veprime të mëtejshme ligjore.

Ky operacion vjen si rezultat i hetimeve intensive dhe informacionit të grumbulluar nga policia në kuadër të luftës së vazhdueshme kundër trafikut të narkotikëve në vend. Forcat e rendit vazhdojnë kontrollet dhe angazhimin për të goditur rrjetet kriminale që destabilizojnë sigurinë në komunitet.