Chelsea ka zyrtarizuar transferimin e mesfushorit të ri portugez, Dario Essugo, nga Sporting Lisbona. Lojtari i talentuar ka firmosur një kontratë afatgjatë që e lidh me klubin londinez deri në vitin 2033.

18-vjeçari, i cili sezonin e kaluar luajti në huazim te Las Palmas në La Liga, pritet të luajë një rol kyç nën drejtimin e trajnerit Enzo Maresca sezonin e ardhshëm. Chelsea ka shpenzuar rreth 22.3 milionë euro për të siguruar shërbimet e mesfushorit.

Essugo njihet për debutimin e hershëm në akademinë e Sportingut, ku u bë lojtari më i ri që ka luajtur për klubin në moshën 16-vjeçare, duke thyer edhe rekordin e legjendës Luis Figo. Me këtë transferim, Chelsea synon të forcojë mesfushën me një talent premtues, i cili tashmë ka treguar potencial në futbollin europian.