“Çlirimi i potencialit njerëzor është çelësi i prosperitetit”

Themeluesi i Microsoft, Bill Gates, deklaroi se gjatë 20 viteve të ardhshme do të shpenzojë shumicën e pasurisë së tij prej 200 miliardë dollarësh për të përmirësuar shërbimet shëndetësore dhe arsimore në kontinentin afrikan.

69-vjeçari, duke folur në kryeqytetin etiopian, Addis Ababa, theksoi se “duke çliruar potencialin njerëzor përmes shëndetit dhe arsimit, çdo vend në Afrikë duhet të jetë në rrugën e prosperitetit”.

Gates gjithashtu bëri thirrje për inovacion dhe u kërkoi të rinjve afrikanë që të mendojnë për zhvillimin e Inteligjencës Artificiale (IA) si mjet për të përmirësuar kujdesin shëndetësor në rajon.

Muajin e kaluar, ai njoftoi planet për të dhuruar 99% të pasurisë së tij deri në vitin 2045, kur fondacioni i tij parashikon të përfundojë aktivitetet e tij bamirëse.