WENATCHEE – Një ngjarje makabre ka tronditur komunitetin në Uashington, ku trupat e tre motrave të vogla u gjetën të pajetë pranë një kampingu në Wenatchee. Viktimat janë Patin 9 vjeçe, Evelyn 8 vjeçe dhe Olivia 5 vjeçe, të cilat sipas hetimeve u vranë nga babai i tyre, Travis Decker.

Trupat u zbuluan në kamionin e babait, me duar të lidhura dhe qese mbi kokë, duke treguar se fëmijët kanë vdekur nga asfiksia. Vajzat ishin të veshura me të njëjtat rroba që mbanin gjatë ditës së zhdukjes së tyre, kur babai i mori pa njoftuar nënën për destinacionin e vizitës.

Hetimet kanë zbuluar gjithashtu gjurmë gjaku në pjesën e pasme të kamionit, ndërsa të dhënat nga telefoni celular i Decker e vendosin atë në vendngjarje në momentet kritike.

Ngjarja ka tronditur thellë familjen dhe komunitetin, duke ngritur shqetësime mbi sigurinë e fëmijëve në raste të vizitave familjare. Autoritetet po vazhdojnë hetimet për zbardhjen e plotë të ngjarjes dhe për të sjellë drejtësi për viktimat e pafajshme.