Gandia, Spanjë – Një çift shqiptar është arrestuar nga autoritetet spanjolle pasi u kapën duke kultivuar një plantacion të organizuar kanabisi në një banesë në qytetin e Adorit. Sipas mediave lokale, brenda shtëpisë janë sekuestruar 809 bimë marijuane me peshë totale mbi 177 kilogramë.

Operacioni u zhvillua nga Stacioni i Policisë së Gandias, që pas hetimeve intensive dhe mbikëqyrjes së pronës, arriti të zbulojë një sistem modern dhe të kompletuar kultivimi, me instalime elektrike dhe hidraulike, llamba speciale dhe rrjet aspirimi për mirëmbajtjen e bimëve.

Personat e arrestuar janë një grua 22-vjeçare dhe një burrë 27-vjeçar, me origjinë shqiptare, të cilët u lanë në arrest me burg pasi dolën para gjykatës. Ata përballen me akuza për krim kundër shëndetit publik dhe mashtrim me energjinë elektrike, pasi dyshohet se për furnizimin e plantacionit kanë manipuluar konsumimin e energjisë.

Hetimi u ndërmorr nga oficerët e Brigadës së Policisë Gjyqësore, pas informacioneve për kultivimin e kanabisit në shtëpinë në fjalë, ndërsa arrestimi i çiftit ndodhi pa precedentë penalë të mëparshëm.

Nëse droga do të dilte në treg, ajo do të sillte fitime në qindra mijëra euro, sipas vlerësimeve të policisë.