VLORË – Një 31-vjeçar është arrestuar nga policia në Vlorë, pasi ishte në kërkim për veprën penale të vjedhjes.

Sipas njoftimit të Policisë së Shtetit, shtetasi J.M., banues në Vlorë, u kap nga Forca e Posaçme “Shqiponja” pas një përpjekjeje për t’u larguar nga efektivët.

31-vjeçari ishte shpallur në kërkim nga Gjykata e Shkallës së Parë të Juridiksionit të Përgjithshëm Vlorë, ku ndaj tij ishte caktuar masa e sigurisë “Arrest me burg” për veprën penale të vjedhjes.

Pas ndalimit dhe arrestimit, ai u vu në dispozicion të autoriteteve për procedurat e mëtejshme ligjore.

Policia vijon punën për kapjen dhe ndëshkimin e personave që kryejnë vepra penale në zonë.