Kryetarja e Bashkisë së Los Angeles, Karen Bass, deklaroi të hënën se bastisjet e autoriteteve të imigracionit gjatë fundjavës ishin shkaku kryesor i përshkallëzimit të protestave në qytet.

“Nëse bastisjet e autoriteteve të emigracionit nuk do të kishin ndodhur, nuk do të kishim pasur çrregullimin që ndodhi mbrëmë,” tha Bass në një intervistë për CNN.

Ajo theksoi se autoriteti i Imigracionit dhe Doganave (ICE) nuk kishte njoftuar zyrtarët lokalë për bastisjet, gjë që e vështirësoi reagimin e shpejtë ndaj protestave.

“Ky është shqetësimi ynë, sepse qytetarët kanë një rrjet reagimi të shpejtë dhe nëse shohin ICE, dalin dhe protestojnë. Kjo është një recetë për kaos që është krejtësisht e panevojshme,” shtoi kryebashkiakja.

Protestat e fundjavës sollën vandalizëm, makina të djegura dhe dhjetëra arrestime nga policia e Los Angeles (LAPD), por Bass theksoi se veprimet e paligjshme ishin të kufizuara në një zonë të vogël të qytetit.

“Ato nuk janë trazira civile në të gjithë qytetin. Disa rrugë në qendër duken tmerrësisht. Ata që kryen krime, si djegia e makinave, do të ndjekin ligji,” përfundoi ajo.