I ftuar në emisionin “Robi plaket kur don vetë”, reperi Bardhi tregoi pa rezerva përvojën e tij 53-ditore në shtëpinë e Big Brother VIP Albania 3. Ndryshe nga sa mund të pritej, ai rrëfeu se realiteti brenda shtëpisë ishte shumë më sfidues se sa dukej nga jashtë.

“Shtatë ditët e para ishin më të vështirat. Tre ditë rresht kam kërkuar telefonin,” tha ai, duke pranuar se izolimi nuk është për këdo.

⸻

“Nuk ishte eksperienca më e mirë e jetës”

Bardhi theksoi se megjithëse ka pasur momente të bukura, BBV nuk ishte një përvojë që do ta quante “ëndrra e jetës”.

“Unë jam kënaqur, por jo në atë nivel që ta quaj eksperienca më e mirë e jetës,” u shpreh ai.

Ai ndau edhe pjesën më të lodhshme të lojës, ku shpeshherë dinamika nuk vinte natyrshëm:

“Je me njerëz që nuk i njeh, dhe ndonjëherë çdo minutë dikush mundohet të kapet pas teje që loja të bëhet më interesante.”

⸻

Dashuria që i ndryshoi jetën

Por, edhe pse BBV3 nuk ishte një eksperiencë që do ta përsëriste me sy mbyllur, Bardhi doli me diçka të çmuar nga aty: dashurinë e jetës, Sara Gjordenin.

Tashmë ata janë të martuar dhe janë bërë prindër të Neas së vogël, e cila erdhi në jetë në fund të vitit që lamë pas.
Një histori dashurie që e bën ndryshe këtë aventurë, pavarësisht sfidave.