Bulqizë, 14 qershor 2025 – Dy turistë nga Maqedonia e Veriut janë aksidentuar këtë të premte në aksin rrugor Maqellarë–Bulqizë, në vendin e njohur si “Ura e Çerenecit”, pjesë e Rrugës së Arbrit.

Sipas burimeve paraprake, aksidenti ka ndodhur si pasojë e një parakalimi të gabuar, ku turistët, të cilët udhëtonin me motor, kanë humbur kontrollin mbi mjetin dhe janë përplasur me murin anësor të rrugës.

Të plagosurit janë transportuar fillimisht në spitalin e Bulqizës, ku kanë marrë ndihmën e parë mjekësore, dhe më pas janë dërguar drejt Spitalit të Traumës në Tiranë për trajtim të specializuar. Ende nuk dihet gjendja e tyre e saktë shëndetësore.

Policia ka mbërritur menjëherë në vendngjarje dhe ka nisur hetimet për të zbardhur shkaqet dhe rrethanat e aksidentit.