Tiranë, 14 qershor 2025 – Specialistët për Hetimin e Krimeve Kundër Personit kanë ekzekutuar urdhrin e Prokurorit, të datës 13.06.2025, duke ndaluar shtetasin Astrit Sinanaj, 49 vjeç, banues në Tiranë.

Sinanaj ishte shpallur në kërkim për disa vepra të rënda penale. Gjykata e Apelit e Juridiksionit të Përgjithshëm Tiranë ka lënë në fuqi vendimin e Gjykatës së Shkallës së Parë Elbasan, e cila e kishte dënuar me 22 vjet burgim, nga të cilat i mbeten për të vuajtur edhe 13 vite.

Ai akuzohet për kryerjen e veprave penale:

“Vrasja me dashje”, kryer në mënyrë shumë të rrezikshme për jetën e shumë personave, mbetur në tentativë;

“Mbajtja pa leje dhe prodhimi i armëve, armëve shpërthyese dhe municionit”;

“Shkatërrimi i pronës me eksploziv”;

“Largimi i të burgosurit nga vendi i qëndrimit”.

Policia thekson se ndalimi i tij është pjesë e operacioneve të vazhdueshme për kapjen e shtetasve të shpallur në kërkim dhe vendosjen e tyre përpara drejtësisë.