Ish-finalistja e “Big Brother VIP” dhe këngëtarja me zërin e veçantë, Egli Tako, ka ngjallur kuriozitet të madh te fansat e saj me postimet e fundit në “Instastory”. Ajo ka paralajmëruar se shumë shpejt do të publikohet projekti i saj i ri muzikor, që do të jetë bashkëpunim me një artist tjetër, por pa zbuluar identitetin e tij.

“O jetë, po vjen kënga e radhës,” shkruan Egli, duke lënë të hapur hapësirë për të gjitha hipotezat mes ndjekësve që mezi presin surprizën.

Në pak fjalë, Egli Tako është gati të rikthehet fuqishëm në skenë me një këngë që pritet të bëjë bujë!

Ky projekt shënon një hap të ri në karrierën e saj, pas shkëputjes nga menaxhimi i këngëtares Fifi, me të cilën më parë kishte bashkëpunuar ngushtë.
Edhe pse nuk janë dhënë detaje për arsyet e ndarjes profesionale, duket se Egli është e vendosur të ndjekë rrugën e saj në mënyrë të pavarur dhe të sjellë risi për publikun.