Qeveria australiane ka miratuar një ligj të ri që ndalon fëmijët nën 16 vjeç të kenë llogari në YouTube. Ky rregull do të hyjë në fuqi nga viti 2026 dhe është pjesë e një pakete masash për mbrojtjen e të miturve nga efektet e rrjeteve sociale.
Vendimi vjen pas kufizimeve të ngjashme që autoritetet vendosën më herët për platforma si Facebook, Instagram dhe TikTok. Sipas qeverisë, analizat kanë treguar se ekspozimi i hershëm ndaj platformave digjitale ka pasoja të dëmshme për shëndetin mendor të fëmijëve.
Nga ana tjetër, kompania YouTube ka reaguar duke paralajmëruar kundërshtimin e ligjit në gjykatë. Sipas tyre, platforma nuk ofron përmbajtje të papërshtatshme për fëmijët nën 16 vjeç dhe vendimi bie ndesh me lirinë e përdoruesve për qasje në informacion.
Autoritetet australiane kanë theksuar se prioritet mbetet siguria dhe mirëqenia e të miturve në internet.
