Aktorja e njohur turke, Cemre Baysel, ka përfunduar me sukses një operacion për heqjen e një tumori në gjoks, që po rritej me shpejtësi gjatë vitit të fundit. Baysel, e cila së fundmi u pa në serialin televiziv “Leyla” dhe është përfolur për lidhjen me aktorin Aytaç Şaşmaz, ndau me ndjekësit një postim nga dhoma e spitalit, duke i qetësuar ata dhe duke i falënderuar për mbështetjen.

“Nuk ka asgjë për t’u shqetësuar,” shkroi aktorja krahas një fotografie që dokumentonte momentin e saj pas operacionit. Sipas mediave turke, Baysel kishte përballuar praninë e këtij tumori për rreth tetë vjet, por vendosi të nënshtrhej operacionit pasi masa u rrit ndjeshëm.

Aktualisht, aktorja ndodhet në gjendje të mirë shëndetësore dhe po vijon rikuperimin me optimizëm, duke dhënë një shembull frymëzues për të gjithë.