Ish-banorja e Big Brother VIP Kosova 3, Xheneta Fetahu, ka rrëfyer detaje të reja për marrëdhënien me Gjestin, duke hedhur dritë mbi raportet e tyre pas përfundimit të spektaklit.

Në një lidhje live në TikTok, Xheneta tha se është ndeshur disa herë rastësisht me të, si në ambientet e Top Channel, ashtu edhe në palestër, gjë që e ka bërë të ndryshojë madje dhe orarin e stërvitjes:
“Kur kuptova në çfarë ore ushtron, e ndryshova orarin. Nuk doja të përplaseshim,” u shpreh ajo me humor.

Megjithatë, ajo tregoi se ka ruajtur korrektësinë dhe i ka uruar atij ditëlindjen me një mesazh, por pa marrë përgjigje:
“Ia kam uruar ditëlindjen me mesazh. I urova suksese, por nuk më është përgjigjur. S’ka problem, kemi ngrënë bukë bashkë.”

Sipas Xhenetës, takimet e rastësishme pas spektaklit kanë qenë të ftohta, ndërsa Gjestit, sipas saj, i dukej se ishte në siklet në prani të saj:
“Kur më pa live, më shikonte sikur kishte frikë. I thashë: aman, s’do të të mbys, ka mbaruar Big Brother,” përfundoi ajo me ironi.

Deklaratat e saj kanë ngjallur reagime dhe komente të shumta në rrjetet sociale nga fansat e reality show-t.