Pas tërmetit të fuqishëm me magnitudë 8.8 që goditi gadishullin e Kamçatkës në Rusi, ka nisur aktiviteti i vullkanit Klyuchevskoy – një prej vullkaneve më të lartë dhe më aktivë në botë.

Shërbimi Gjeofizik i Akademisë Ruse të Shkencave njoftoi në Telegram se nga shpati perëndimor i vullkanit është duke rrjedhur lavë e nxehtë, ndërsa shpërthime të vazhdueshme shoqërojnë ndriçimin e fortë që shfaqet mbi krater.

Kamçatka, epiqendra e tërmetit, është një rajon i njohur për aktivitet të lartë sizmik dhe vullkanik. Autoritetet lokale janë në gatishmëri për çdo emergjencë të mundshme.