Një grua në kryeqytetin francez ka denoncuar në polici vjedhjen e bizhuterive me vlerë rreth 1 milion euro nga banesa e saj në lagjen e 5-të të Parisit. Ngjarja u zbulua pasi e zonja e shtëpisë u kthye nga një pushim dyjavor dhe konstatoi mungesën e sendeve të çmuara.

Hetimet paraprake tregojnë se para nisjes për pushime, ajo kishte lënë çelësat e banesës në kutinë postare, çka dyshohet të ketë lehtësuar hyrjen e grabitësve. Policia dyshon për një vjedhje me thyerje, duke qenë se në lojë janë sende me vlerë të lartë.

Rasti po ndiqet nga policia specializuar për krimin e organizuar, ndërsa deri më tani nuk ka të arrestuar. Autoritetet paralajmërojnë se periudhat e pushimeve shpesh shfrytëzohen nga grabitësit, për shkak të mungesës së banorëve në banesa, duke ulur rrezikun e kapjes në flagrancë.

Forcat e rendit rekomandojnë qytetarët që të marrin masa parandaluese, si krijimi i përshtypjes së pranisë në banesë dhe shmangia e publikimit të planeve të pushimeve në rrjetet sociale, për të evituar vjedhjet e mundshme gjatë periudhave të largimit.