Një ngjarje e rëndë ka ndodhur sot në aksin rrugor Muriqan-Shkodër, ku një 30-vjeçare është plagosur me armë zjarri nga një 34-vjeçar.
E plagosura, identifikuar me inicialet E.I., ndodhet në spital dhe sipas mjekëve është jashtë rrezikut për jetën. Konflikti mes tyre ka ndodhur për arsye ende të paqarta.
Autori, shtetasi E.P., 34 vjeç, është shpallur në kërkim nga policia, e cila po vijon hetimet dhe kontrollet intensive për kapjen e tij dhe zbardhjen e plotë të ngjarjes.
Policia apelon për çdo informacion që mund të ndihmojë në lokalizimin e autorit.
