Flamurtari ka bërë një lëvizje të rëndësishme në merkato, duke siguruar shërbimet e mbrojtësit të majtë, Eric Veiga. 28-vjeçari, i cili ka përvojë të pasur në futbollin gjerman dhe portugez, do të veshë për herë të parë fanellën kuqezi, duke sjellë eksperiencë dhe cilësi në repartin difensiv të klubit vlonjat.

Lajmi u konfirmua zyrtarisht nga Flamurtari përmes një postimi në rrjetet sociale, ku Veiga u mirëprit me fjalët: “Mirë se vjen në familjen e madhe kuqezi të Flamurtari F.C!”

I lindur më 18 shkurt 1997, Veiga ka qenë pjesë e Avs Futebol në Portugali dhe ka përfaqësuar kombëtaret e moshave të Portugalisë, përpara se të luante edhe për Kombëtaren e Luksemburgut. Me këtë afrimin strategjik, Flamurtari synon të “blindojë” prapavijën për sezonin e ri dhe të rrisë konkurrencën në mbrojtje.