Beograd – Presidenti i Serbisë, Aleksandër Vuçiç, dërgoi një mesazh të fortë për protestuesit që kërkojnë largimin e tij nga pushteti, duke premtuar vendosmëri dhe forcë në përballjen me presionet e jashtme.
Në një video të publikuar në Instagram, Vuçiç tha se Serbia do të mbrojë rendin dhe paqen në vend, dhe se do të përdorë të gjitha mjetet në dispozicion për të rivendosur stabilitetin.
“Ne do t’i kundërvihemi të gjitha presioneve të jashtme, të gjithë atyre që na kërcënojnë, që na paralajmërojnë. Ata kanë provuar të sjellin kaos në vendin tonë, por ne do të fitojmë,” deklaroi Presidenti, vetëm 24 orë pas një kundërproteste të mbështetësve të partisë së tij SNS.
Mesazhi i Vuçiçit thekson vendosmërinë e tij për të ruajtur pushtetin dhe për të kundërshtuar çdo ndikim të jashtëm, ndërsa tensionet politike në vend mbeten të larta.
