Një lajm i rëndë ka tronditur botën e medias shqiptare. Gazetari dhe analisti i njohur, Artur Zheji, është ndarë sot nga jeta në moshën 64-vjeçare.
Ngjarja ndodhi pasditen e sotme, rreth orës 16:10, në një restorant pranë rrugës “Butrinti” në Sarandë, ku Zheji po drekuar me bashkëshorten dhe djalin e tij. Sipas burimeve, ai ka pësuar arrest kardiak dhe, pavarësisht ndërhyrjes së urgjencës, ka ndërruar jetë gjatë transportit drejt spitalit.
Policia njofton se po vijojnë hetimet për të sqaruar rrethanat e plota të ngjarjes.
Artur Zheji ka qenë një ndër figurat më të spikatura të gazetarisë dhe analizës politike në Shqipëri. Me një karrierë të gjatë në media, ai njihej për opinionet e drejtpërdrejta dhe analizat kritike mbi zhvillimet politike e shoqërore.
Lajmi i ndarjes nga jeta të Zhejit ka shkaktuar tronditje të madhe te kolegët, miqtë dhe publiku, duke lënë një boshllëk të ndjeshëm në botën e medias shqiptare.
