Izraeli ka shprehur keqardhje të thellë për fatkeqësinë tragjike që ndodhi këtë të hënë në spitalin Nasser, ku u përfshinë civilë dhe stafi mjekësor. Në një deklaratë, kryeministri Benjamin Netanyahu tha se autoritetet ushtarake po zhvillojnë një hetim të plotë për të zbardhur shkaqet e ngjarjes.
“Izraeli vlerëson punën e gazetarëve, stafit mjekësor dhe të gjithë civilëve. Autoritetet ushtarake po kryejnë një hetim të plotë,” u shpreh Netanyahu, duke theksuar se vendi vijon betejën kundër terroristëve të Hamasit. Ai shtoi se synimi i Izraelit mbetet mposhtja e Hamasit dhe rikthimi i pengjeve në shtëpi.
Ngjarja ka tronditur vendin dhe rrit presionin mbi autoritetet për të dhënë sqarime të detajuara mbi rrethanat e tragjedisë, ndërsa hetimet në terren pritet të vazhdojnë ditët e ardhshme.
