Një krim brenda familjes shqiptare në Volos të Greqisë ka tronditur publikun pak ditë më parë. Një 36-vjeçare, nënë e katër fëmijëve, u vra nga bashkëshorti i saj në banesën e tyre, ndërsa një prej vajzave të tyre, 18-vjeçarja, ishte dëshmitare e ngjarjes makabre.

Në një rrëfim për mediat greke, vajza tregon se babai i saj ishte xheloz dhe grindja mes prindërve ishte shkak i vrasjes. “Ata u grindën sepse babai im ishte shumë xheloz, prandaj e vrau. Ata ishin grindur më parë, por nuk ishte kështu. Ne ishim mirë. Ai punonte normalisht, nuk bërtiste, nuk pinte, asgjë nga këto. Nëna ime bërtiste ‘ndihmë, ndihmë’. Ai po shikonte telefonin e saj”, tregon ajo.

Vajza përshkruan momentet tragjike: “Nëna ime po bërtiste ‘ndihmë, ndihmë’ dhe ai e vrau shpejt dhe iku. Pashë gjithçka, kur ai e goditi me thikë, kur ajo po bërtiste, kur e tërhoqi nga flokët dhe e hodhi përtokë”. Ajo shton se bashkë me të ishte edhe vëllai 13-vjeçar: “Mami i kishte kërkuar ndarjen. Ata ishin në dhomë duke bërtitur, por nuk i kushtova shumë vëmendje, po flija. Pastaj mami filloi të thoshte ‘do të më vrasësh’ dhe u përplas me fatkeqësinë”.

Ngjarja ka lënë pas një familje të shkatërruar dhe një qytet të tronditur, ndërsa autoritetet greke po vijojnë hetimet për zbardhjen e plotë të krimit.