Peqin – Një aksident i rëndë ka tronditur qytetin e Peqinit pasditen e sotme, duke marrë jetën e dy të rinjve.
Sipas pamjeve , makina me të cilën po udhëtonin viktimat është përplasur me shkallët e një banese, duke pësuar dëmtime të mëdha. Përplasja e fortë ka rezultuar fatale, duke lënë të vdekur në vend dy të rinjtë.
Viktimat janë identifikuar si:
• Gabriel Lluca, 24 vjeç, banues në Peqin
• Denis Korbi, 24 vjeç, banues në Peqin
Policia dhe grupi hetimor ndodhen në vendngjarje dhe po punojnë për të zbardhur rrethanat e plota të aksidentit, ndërsa shkaqet e ngjarjes mbeten ende të paqarta.
Ky është një tjetër episod tragjik që shton numrin e viktimave nga aksidentet rrugore në vend, duke rikthyer vëmendjen tek siguria rrugore dhe respektimi i rregullave të qarkullimit.
