Një ngjarje e rëndë ka ndodhur mbrëmë rreth orës 19:30 në fshatin Llapashticë të Podujevës, ku Bashkim Spahiu u qëllua për vdekje me 10 plumba brenda makinës së tij. Autoritetet kanë identifikuar vrasësin si Arbër Havolli, i cili aktualisht është në kërkim nga Policia e Kosovës.
Zëdhënësja e Policisë për rajonin e Prishtinës, Flora Ahmeti, njoftoi:
“Sot rreth orës 19:30, kemi marrë informatën për të shtëna me armë në fshatin Llapashticë të Podujevës. Menjëherë në vendin e ngjarjes kanë dalë njësitet e nevojshme policore, ku kanë hasë në një person pa shenja jete. Vdekjen e viktimës mashkull e ka konstatuar ekipi mjekësor në vendngjarje. Aktualisht, hetuesit policorë, në koordinim me prokurorin e shtetit, kanë nisur hetim për ndriçimin, sqarimin e të gjitha rrethanave që kanë të bëjnë me këtë rast.”
Hetimet vazhdojnë me qëllim identifikimin dhe kapjen e autorit, si dhe zbardhjen e plotë të rrethanave të krimit.
