Vlorë – Një aksident i rëndë ka ndodhur në orët e para të mëngjesit sot, rreth orës 01:30, në rrugën e fshatit Poro, ku një person ka humbur jetën.
Sipas policisë, shtetasi M. Ll., 65 vjeç, banues në fshatin Bishan, duke drejtuar motomjetin, ka dalë nga rruga, për pasojë duke humbur jetën në vendngjarje.
Grupi hetimor ndodhet në vendngjarje dhe po punon intensivisht për zbardhjen e plotë të rrethanave të aksidentit, si dhe për dokumentimin e çdo elementi që mund të ndihmojë në kuptimin e shkakut.
