Margot Robbie, një nga aktoret më të përfolura të momentit, ka tërhequr vëmendje të madhe për fizikun e saj të tonifikuar, vetëm 10 muaj pas lindjes së fëmijës së parë. Ylli australian u shfaq me fustane transparente në tapetin e kuq, duke nxjerrë në pah format e saj, dhe publikoi një mesazh të fuqishëm mbi stilin e jetesës së shëndetshëm.

Megjithëse Robbie nuk ndjek dietë strikte, ajo preferon ushqime të thjeshta si birra, patate të skuqura dhe hamburgerë, por para projekteve të rëndësishme ose daljeve publike ndjek një regjim të pastër ushqimor. Në këtë periudhë, mëngjesi zakonisht përfshin smoothie, dreka me mish pule ose peshk të lehtë, dhe darka të bazuara te proteina dhe perimet, duke shmangur yndyrnat e ngopura, pijet me sheqer dhe çokollatën.

Përveç ushqimit, Margot është shumë e përkushtuar ndaj aktivitetit fizik. Për rolet e saj në filma si “I, Tonya” dhe “Suicide Squad”, ajo ka kaluar orë të tëra në palestër me stërvitje për muskuj, bark dhe këmbë, duke kombinuar boks dhe Pilates. Në përditshmëri, ajo preferon aktivitetet që i japin energji dhe argëtim, si klasa vallëzimi apo tenisi me miqtë.

Robbie ka theksuar se për të, më e rëndësishme është të jetë e fortë dhe jo thjesht e dobët. Gjatë përgatitjes për filmin “The Legend of Tarzan”, ajo refuzoi dietat ekstreme, duke preferuar një pamje më reale dhe natyrale. Ky kombinim mes disiplinës dhe lirisë në stilin e jetesës duket të jetë sekreti që e mban Margot Robbie gjithmonë në formë të shkëlqyer dhe të admiruar nga publiku.