Justin Bieber ka nënshkruar marrëveshjen më të madhe në historinë e festivalit Coachella, duke siguruar plot 10 milionë dollarë për të hapur edicionin e vitit 2025. Lajmi u raportua nga Rolling Stone, sipas së cilës këngëtari e ka arritur këtë sukses pa menaxher apo përfaqësues, duke u bërë artisti më i paguar që ka performuar ndonjëherë në festival, madje duke tejkaluar edhe Beyoncé.

“Është një veprim inovativ për një kryesues dhe diçka që ai e bëri tërësisht vetë”, tha një burim pranë Bieber. “Midis Coachella-s dhe suksesit të albumit të tij Swag, është e qartë se një epokë e re emocionuese po fillon për Justin, një epokë ku ai është plotësisht në kontroll të karrierës së tij.”

Marrëveshja shumë milionë dollarëshe u sigurua me Goldenvoice, organizatorin e Coachella-s, dhe parashikon 5 milionë dollarë për secilën fundjavë të festivalit.

Bieber është pa menaxher që nga viti 2023, kur i dha fund bashkëpunimit 15-vjeçar me Scooter Braun. Më pas ai zgjidhi një mosmarrëveshje financiare duke paguar 8.8 milionë dollarë ndaj Hybe, pasi Braun i kishte dhënë një kredi për të shlyer një pjesë të avancit prej 40 milionë dollarësh nga AEG për turneun Justice, i cili përfundimisht u anulua.

Coachella 2025 do të mbahet më 10–12 dhe 17–19 prill në Indio, Kaliforni, ku Bieber do të ndajë skenën kryesore me Sabrina Carpenter, Karol G dhe Anyma.