Reperi Mozzik u rikthye dje në qendër të vëmendjes, pasi u raportua se u ndalua nga autoritetet e Kosovës. Lajmi bëri xhiron e rrjeteve sociale, duke ngjallur reagime të shumta mes ndjekësve e fansave të tij.

Burime mediatike bënë të ditur se artisti kishte me vete dy orë të markave prestigjioze, një Richard Mille dhe një Rolex, me vlerë të përllogaritur rreth 1.5 milionë euro. Dyshimet mbi origjinën e tyre çuan në ndalimin e përkohshëm, teksa policia veproi sipas procedurave për kontrollet e mallrave luksoze, duke e informuar reperin për arsyen e veprimit.

Mes gjithë bujës që krijoi ngjarja, reagimi i Noizy-t nuk kaloi pa u vënë re. Ai publikoi një mesazh të koduar në rrjetet sociale, i cilësuar nga ndjekësit si një “thumb” i drejtuar pikërisht Mozzik-ut.

Dy artistët, dikur miq dhe bashkëpunëtorë në këngën e suksesshme “Bonjour Madame”, e kanë shndërruar marrëdhënien e tyre në një konflikt të hapur. Prishja e bashkëpunimit u vulos me fshirjen e këngës nga të gjitha platformat muzikore, një veprim që tregoi se përplasja mes tyre shkon më thellë se sa është zbuluar publikisht.