Një aksident rrugor është regjistruar mëngjesin e kësaj të shtune në aksin Sarandë–Delvinë, pranë fshatit Shijan.

Sipas informacionit paraprak, dy automjete u përplasën fillimisht me njëra-tjetrën, ndërsa më pas një prej makinave u godit nga pas nga një kamionçinë.

Nga përplasja ka mbetur e plagosur një grua, pasagjere në automjetin tip “Opel”. Mësohet se e lënduara ndodhet jashtë rrezikut për jetën dhe po merr ndihmën e nevojshme mjekësore.

Policia ndodhet në vendngjarje dhe ka nisur hetimet për të zbardhur shkaqet e aksidentit.