Stamboll – Aktorja turke e njohur Sıla Türkoğlu ka nënshkruar një kontratë dyvjeçare me një markë prestigjioze ndërkombëtare xhinsesh, duke u bërë imazhi i saj i ri. Kontrata pritet t’i sjellë aktores një përfitim prej rreth 1 milion eurosh, një hap i rëndësishëm që e vendos atë në qendër të industrisë globale të modës.

Sıla, e njohur për rolin e Doas në serialin “Një dashuri”, është një nga aktoret më të ndjekura nga miliona shikues turq, sidomos të rinjtë, një fakt që ka ndikuar në zgjedhjen e saj nga marka ndërkombëtare.

Bashkëpunimi përfshin pjesëmarrjen e aktores në fushata reklamuese ndërkombëtare, duke e pozicionuar si një nga figurat më të kërkuara të modës dhe influencuese të stilit global. Fansat e saj tashmë presin me padurim të shohin fushatat ku Sıla do të jetë protagoniste, duke e bërë atë një emër të përfolur edhe në skenën ndërkombëtare të modës.