Milano – Prezantuesi italian Stefano De Martino është bërë viktimë e një grabitjeje mesditën e së enjtes në Milano. Dy persona të armatosur dhe të maskuar e sulmuan 35-vjeçarin dhe i rrëmbyen orën e tij “Patek Philippe”, me vlerë mbi 40 mijë euro.

Ngjarja ndodhi kur dy grabitësit, duke udhëtuar me një skuter, përplasën fillimisht pasqyrën e Mercedesit të De Martino. Kur prezantuesi zbriti për të vënë rregull, ata e sulmuan dhe i morën orën, duke përdorur një truk të planifikuar. Njëri prej grabitësve i tha: “Më lësho ose do të të qëlloj”.

Pas aktit, dy autorët u larguan me skuter. Fatmirësisht, De Martino nuk pësoi asnjë lëndim dhe menjëherë njoftoi policinë për incidentin.