Gjykata e Tiranës shpalli sot vendimin për efektivin e policisë Nevaldo Hajdaraj, i akuzuar për vrasjen e të riut Klodian Rasha.
Gjykata ka dënuar me 15 vite burg efektivin Hajdaraj. Për shkak të gjykimi të shkurtuar dënimi ndaj Hajdarajt ulet në 10 vite burgim.
Seanca gjyqësore u zhvillua këtë të mërkurë dhe nisi rreth orës 13:00 ku të pranishëm në sallë ishin Nevaldo Hajdaraj, avokati i tij Adriatik Cama si dhe familjarët e Klodian Rashës.
Avokati i Hajdarajt kërkoi që ai të mos dënohej për veprën penale vrasje me dashje. Ai kërkoi ndryshim të veprës penale, nga vrasje me dashje në “Vrasje në tejkalim të mbrojtjes së nevojshme” si dhe kërkoi të dënohet në minimum.
Pas dënimit të Nevaldo Hajdarajt, babai i Klodian Rashës tha se ky ishte një venim i padrejtë për një vrasje makabër. Në një prononcim për mediat ai tha se këtë akt mund ta bëjnë vetëm sektet. Qazim Rasha u shpreh se nuk ka më besim tek drejtësia shqiptare.
