Një zhvillim i ri ka ndodhur në çështjen e zhvarrimit të Denis Rucit, djalit të Panos Rucit, një prej viktimave të tragjedisë së Tempit në Greqi.

Sipas raportimeve, avokatja e familjes, Zoe Konstantopoulou, ka paraqitur një kërkesë zyrtare për shtyrjen e procesit të zhvarrimit, i cili ishte planifikuar të kryhej këtë të premte nga mjeku ligjor. Qëllimi i kërkesës ishte emërimi i një konsulenti teknik që do të asistojë në hetim.

Prokuroria ka pranuar kërkesën dhe ka vendosur që zhvarrimi të zhvillohet javën e ardhshme.

Ndërkohë, Panos Ruci ndodhet në ditën e 17-të të grevës së urisë, duke kërkuar që mbi trupin e djalit të tij të kryhen analiza toksikologjike të plota, për të sqaruar shkaqet e vdekjes së Dennis Rucit.